काठमाडौं । चौंथो संस्करणको एभरेष्ट प्रिमियर लिग (ईपीएल) टी-ट्वान्टी क्रिकेटको पहिलो क्वालिफायरमा चितवन टाइगर्स र पोखरा राइनोजबीच अहिले प्रतिस्पर्धा हुँदैछ ।
टियु क्रिकेट मैदानमा चितवन टाइगर्सले टस जितेको छ र पहिले फिल्डिङ रोजेको छ । चितवनविरुद्ध पोखराले सुरुवातमा ब्याटिङ गर्ने भएको छ ।
सोमपाल कामीको कप्तानीमा रहेको चितवन शीर्ष स्थानमा रहदै क्वालिफायर पुगेको हो । विनोद भण्डारीको कप्तानीमा रहेको पोखराले दोस्रो स्थानमा रहेर क्वालिफायर खेलेको हो ।
चितवन र पोखरा आज जित निकाल्दै फाइनल पुग्न चाहन्छ । यस खेलको विजेताले सिधै फाइनलमा स्थान बनाउनेछ । पराजित हुने टोलीले दोस्रो क्वालिफायरको मौका पाउने छ । दोस्रो क्वालिफायरमा एलिमिनेटरको विजेतासँग खेल्नेछ ।
बुधबार नै हुने एलिमिनेटरमा काठमाडौं किङ्स-११ र भैरहवा ग्लाडीयटर्सबीच प्रतिस्पर्धा हुनेछ । यस खेल दिउँसो १:३० बजे सुरु हुनेछ ।
-1737423677.webp)
-1737422243.jpeg)
