राजस्थानमाथि मुम्बईको सानदार जित

काठमाडौं । ईन्डियन प्रिमियर लिग (आईपीएल) टी-ट्वान्टी क्रिकेटमा मुम्बई इन्डियन्सले जित निकालेको छ ।

सारजाहमा मंगलबार भएको खेलमा मुम्बईले राजस्थान रोयल्सलाई ८ विकेटले हराएको हो ।

राजस्थानले दिएको ९१ रनको लक्ष्य मुम्बईले ८ ओभर २ बलमा मात्र २ विकेट गुमाएर पूरा गर्यो ।

मुम्बईको जितमा इशान किशनले अविजित रहदै ५० रनको अर्धशतकीय इनिङ्स खेले ।

यस्तै कप्तान रोहित शर्माले २२ रन जोड्दा सूर्यकुमार यादवले १३ रन बनाए ।

हार्दिक पाण्डयले अविजित ५ रन बनाए ।

राजस्थानका मुस्ताफिजुर रहमान र चेतन साकरियाले १/१ विकेट लिए ।  

पहिले ब्याटिङ गरेको राजस्थानले २० ओभरमा ९ विकेट गुमाएर ९० रन बनाएको थियो ।

राजस्थानका इभिन लेविसले सर्वाधिक २४ रन जोडे ।

डाभिड मिलरले १५ रन जोड्दा यासभी जैसवाल र राहुल टेवाटियाले समान १२/१२ रन जोडे ।

राजस्थानका अन्य खेलाडीले दोहोरो अंक जोड्न सकेनन् ।

मुम्बईका नाथन कल्टर निलले ४ विकेट लिए । जेम्स निशमले ३ तथा जस्प्रित बुम्राहले २ विकेट लिए ।

यस जितसँगै मुम्बईले प्ले अफ सम्भावना कायम राखेको छ ।

मुम्बई १३ खेलमा १२ अंक जोडेर पाँचौं स्थानमा उक्लिएको छ ।

राजस्थान १० अंक जोडेर सातौं स्थानमा रहेको छ ।