क्लब भलिबल : सेमिफाइनल खेल आज

काठमाडौं । राजधानीमा जारी छैटौं संस्करणको एनभीए महिला तथा पुरुष क्लब भलिबल च्याम्पियनसिप अन्तर्गत आज शुक्रबार पुरुष र महिलातर्फ गरि ४ खेलहरु हुँदैछन् ।

त्रिपुरेश्वरस्थित राखेप कभर्डहलमा आज पुरुष र महिलातर्फको सेमिफाइनल खेलहरु हुनेछन् ।

महिलातर्फको पहिलो सेमिफाइनलमा एपीएफ र त्रिभुवन आर्मी क्लबबीच प्रतिस्पर्धा हुनेछ । एपीएफ र आर्मीबीचको खेल बिहान १० बजे सुरु हुनेछ।

महिलाको दोस्रो सेमिफाइनलमा न्यु डायमन्ड र नेपाल पुलिस क्लबबीच प्रतिस्पर्धा हुनेछ । न्यु डायमन्ड र पुलिसबीचको खेल १२ बजे सुरु हुनेछ ।

पुरुषको पहिलो सेमिफाइनलमा साविक विजेता हेल्प नेपाल र नेपाल पुलिस क्लबबीच प्रतिस्पर्धा हुनेछ । हेल्प र पुलिसबीचको खेल २:३० बजे सुरु हुनेछ ।

दोस्रो सेमिफाइनलमा त्रिभुवन आर्मी क्लब र एपीएफबीच प्रतिस्पर्धा हुनेछ । आर्मी र एपीएफबीचको खेल दिउँसो ४:३० बजे सुरु हुनेछ ।

आज हुने सम्पूर्ण सेमिफाइनल खेलको प्रत्यक्ष प्रशारण खेलपाटी डटकमले गर्नेछ ।

नेपाल भलिबल संघले आयोजना गरेको च्याम्पियनसिपको महिला पुरुष विजेताले ४ लाख प्राप्त गर्दा उपविजेताले २ लाख पाउने छन् । तेस्रोले १ लाख प्राप्त गर्नेछन्  ।

त्यस्तै सर्वोत्कृष्ट खेलाडीले २५ हजार प्राप्त गर्दा विधागततर्फ उत्कृष्ट हुनेले १० हजार पाउने छन् ।