गण्डकीलाई केटीएम सिटीको प्रायोजन

काठमाडौं । शेर्पा आउटडोर प्रालिको केटीएम सिटीले गण्डकी प्रदेशको पुरुष भलिबल टिमलाई प्रायोजन गरेको छ।

छैटौं संस्करणको एनभीए महिला तथा पुरुष क्लब भलिबल च्याम्पियनसिप खेलिरहेको गण्डकीलाई केटीएम सिटीले जर्सी प्रायोजन गरेको हो ।

गण्डकीले प्रतियोगितामा केटीएम सिटीको जर्सी प्रयोग गरिरहेको छ ।

गण्डकीले प्रतियोगितामा विजयी सुरुवात समेत गरेको छ । सोमबार भएको खेलमा दावाली मिलन क्लबलाई  ३-१ को सेटमा पराजित गर्दै गण्डकीले सुखद सुरुआत गरेको हो।

केटीएम सिटी नेपाली राष्ट्रिय फुटबल टिमको जर्सी प्रायोजक समेत हो ।

यस्तै केटीएम सिटीले  सहिद स्मारक 'ए' डिभिजन क्लब मनाङ मर्स्याङ्दीलाई समेत प्रायोजन गरेको छ ।