सिन्धुपाल्चोक जिल्ला स्तरीय ब्याडमिन्टन हुँदै

देवराज सुवेदी 

मेलम्ची । सिन्धुपाल्चोक जिल्ला स्तरीय  खुल्ला पुरुष डबल ब्याडमिन्टन प्रतियोगिता हुने भएको छ।

जिल्लाको पाँचपोखरी थाङ्पाल गाउँपालिका ४ थाङ्पालककोटको असोज २३ गते देखि २५ गतेसम्म रैथाने र वडा नं. ४ को  कार्यालयको खेल मैदानमा प्रतियोगिता हुने भएको हो।

प्रतियोगितामा प्रथम हुनेले ३० हजार नगदसहित कप, मेडल र प्रमाणपत्र प्राप्त गर्ने छन् । दोश्रो र तेश्रो हुनेले क्रमशः नगद २० हजार र १० हजार सहित कप, मेडल र प्रमाणपत्र प्राप्त गर्ने छन्।

बेष्ट अफ थ्रि नकआउटको आधारमा खेलाईने खेलमा ए र बी पोल छुट्याएर नेपाल ब्याडमिन्टन संघको नियम अनुसार खेलाईने वडाध्यक्ष राम बहादुर तामाङले बताए ।

प्रतियोगितामा सहभागि हुन ईच्छुकहरुले असोज २० गते साँझ ५ बजेसम्म अवेदन दर्ता गरिसक्नुपर्ने छ भने आवेदन शुल्क  २५ सय लाग्ने छ । साथै प्रतियोगितामा सहभागि खेलाडीहरुको परिचय पत्र र सम्बन्धित कार्यलयको सिफारिस पत्र सहित पासपोर्ट साईजको १ प्रति फोटो अनिवार्य गरिएको पनि तामाङले जानकारी दिए ।

पाँचपोखरी थाङ्पाल गाउँपालिका खेलकुद विकास समिति र ब्याडमिन्टन संघसँगको सहकार्यमा ब्याडमिन्टन खेलको विकास र ब्याडमिन्टन खेलाडी उत्पादनमा सहयोग पुर्र्याउने उदेश्यले प्रतियोगिता गर्न लागिएको बाबुलाल तामाङले बताए ।