मेस्सीले तोडे पेलेको कीर्तिमान

काठमाडौं । अर्जेन्टिनाका कप्तान लियोनल मेस्सीले ब्राजिलियन लेजेण्ड पेलेको कीर्तिमान तोडेका छन्।

मेस्सीले दक्षिण अमेरिकामा पेलेको नाममा रहेको सर्वाधिक गोलको कीर्तिमान भङ्ग गरेका हुन् ।

फिफा विश्वकप छनोट अन्तर्गत बोलिभियाविरुद्ध ह्याट्रिक पूरा गर्दै मेस्सीले कीर्तिमान बनाएका हुन्।

विश्व फुटबलको हस्ती पेलेको नाममा ९२ खेलमा ७७ गोलको कीर्तिमान रहेको थियो ।

तर, मेस्सीले बोलिभियाविरुद्धको ह्याट्रिकसँगै ७९ औं गोल पूरा गर्दै कीर्तिमान तोडेका हुन् ।

मेस्सीले १ सय ५३ खेलमा उक्त कीर्तिमान बनाएका हुन् ।

मेस्सीको ह्याट्रिकसँगै छनोटमा अर्जेन्टिनाले बोलिभियालाई ३-० ले हराएको छ ।