म्यानचेस्टरबाट म्यानचेस्टरसम्म : रोनाल्डोले बीचमा के कस्तो गरे ?

काठमाडौं। क्रिस्टियानो रोनाल्डो १२ वर्षपछि फेरि म्यानचेस्टर युनाइटेड फर्केका छन् ।

म्यानचेस्टरमा छँदा उनी कस्ता थिए, अब कस्ता भएका छन् त ? सन् २००९ मा उनले ओल्ड ट्राफोर्ड छाडेका थिए र त्यसयता उनले ५ सय ५१ गोल गरिसकेका छन् ।

यसबीच उनले चार युरोपेली च्याम्पियन्स लिग मात्र जितेनन्, चारै बालोन डी'ओर पनि जिते ।

सँगै चार लिग उपाधि र अनगिन्ती गोल्डेन बुट अवार्ड ।

अहिले उनी ३६ वर्षका भए, पक्कै पनि उनले आफ्नो खेल जीवनको उत्कृष्ट क्षण पछाडि छाडिसकेका छन् । तर पनि उनी युरोपमा उपलब्ध उत्कृष्ट खेलाडीमध्ये एक हुन् ।

म्यानचेस्टरबाट म्यानचेस्टरसम्म उनको यात्रा कस्तो रह्यो त ? एकपल्ट पछाडि फर्केर हेरौं ।

रियल मड्रिडमा छँदा उनी लगातार गोल गर्ने खेलाडी बने । त्यसैले सन् २०१४–२०१५ को सिजनमा उनले सबै खाले प्रतियोगितामा जोडेर ६१ गोल गरे ।

युभेन्ट्समा पनि उनी कम्तीमा रहेनन् । उनले युभेन्ट्सका लागि १ सय १ गोल गरे । म्यानचेस्टरमा छँदा सायद उनको ध्यान गोलमा कम थियो होला, उनले १ सय १ गोल मात्र गरे, छ सिजन त्यहाँ बिताउने क्रममा ।

अहिले म्यानचेस्टर फर्कदा रोनाल्डो सबैभन्दा बढी युरोपेली कप र च्याम्पियन्स लिग जित्ने दोस्रो खेलाडी बनेका छन् । तर म्यानचेस्टर छाडेयता उनले लिग उपाधि भने कमजै मात्र जिते, खालि चार मात्र ।

यो दुई स्पेन र दुई इटालीमा रह्यो । रोनाल्डोको खेलको एउटा विशेषता गोलको अवसर सिर्जना गर्ने पनि हो, तर पछिल्लो समय यसमा कमी आएको छ ।

सबैभन्दा बढी परिवर्तन आएको त उनको खेल्ने शैलीमै हो । म्यानचेस्टरमा रहँदा बढी भन्दा बढी विन्गर थिए । रियलमा उनी गोल गर्ने खेलाडी बने ।

युभेन्ट्समा केही हदसम्म त्यो कायम रह्यो । उमेरको हिसाबमा उनी बुढा खेलाडी भइसके । म्यानचेस्टरमा छँदा किशोर खेलाडी थिए । म्यानचेस्टरबाट म्यानचेस्टरसम्मको यात्रामा रोनाल्डो धेरै फेरिएका छन् ।

–बीबीसीको सहयोगमा ।