काठमाडौं । त्रिभुवन आर्मी क्लबका होमलाल श्रेष्ठले १२ औ संस्करणको काठमाडौं म्याराथनको उपाधि जितेका छन् ।
शनिबार भएको म्याराथनमा आर्मीकै राजन खत्रीलाई पछि पार्दै होमले उपाधि जितेका हुन् ।
होमले निर्धारित २ घण्टा २० मिनेट ४५ सेकेण्डमा पुरा गरे । उपाधिसंगै होमले ५० हजार नगद प्राप्त गरे ।
निर्धारित दुरी २ घण्टा २३ मिनेट ३३ सेकेण्डमा पुरा गरेका राजनले २० हजार प्राप्त गरे ।
म्याराथनमा नेपाल पुलिस क्लबमा भूमिराज राई तेस्रो भए । २ घण्टा २४ मिनेट ३१ सेकेण्डको समय निकालेका भूमिले १५ हजार प्राप्त गरे ।
महिलातर्फ कान्छीमाया कोजुले उपाधि जितिन् । कान्छीले २ घण्टा ५० मिनेट ४१ सेकेण्डमा दौड पुरा गरिन् । ३ घण्टा ११ मिनेट १४ सेकेण्ड लगाएकी सरिता बासी दोस्रो र ३ घण्टा २४ मिनेट ८ सेकेण्डमा दौड पुरा गरेको राजपुरा पाछि तेस्रो भईन् ।
महिलातर्फ विजेताले ५० हजार, दोस्रोले २० हजार र तेस्रोले १५ हजार हजार प्राप्त गरेका छन् ।
५ कि.मि. खुला दौड तर्फ पुरुमा अजित यादव र महिलाम सन्तोषी श्रेष्ठ पहिलो स्थान हात पार्न सफल भए । अजितले १८ मिनट ११ सेकेन्डमा र सन्तोषीले २० मिनट ३७ सेकेन्डमा दूरी पुरा गरे । पुरुष तर्फ मिलन कार्कीले रजत र जितेन्द्र दनुवारले कास्य पाए । महिला तर्फ सानु माया कार्की र फुलमती रानाले रजत र कास्य पाए । उनीहरुले नगद १० हजार ६ हजार र ४ हजार नगद सहित मेडल र प्रमाण पत्र प्राप्त गरे ।
५ कि.मि.कै छात्र तर्फ १९ मिनट ५१ सेकेन्डका साथ प्रविन कुमार बोहराले स्वर्ण पाए । दोश्रो स्थानमा सागर श्रेष्ठ र तेश्रो स्थानमा नारायण तामाङ्ग रहे । छात्रा तर्फ कर्णाली स्पोर्ट्सकी मञ्जु रावतले २४ मिनट ५५ सेकेन्डका साथ स्वर्ण पाईन् । काजल बिष्टले रजत र विजेश्वरी ज्ञान मन्दिर सैनिक बिद्यालयकी स्वेशा बलामीले कास्य पाईन् । बिजयी खेलाडीहरुले ५ हजार, ३ हजार २ हजार नगद सहित मेडल प्रमाण पत्र प्राप्त गरे ।
मास्टर तर्फको पुरुषमा धर्म महर्जन १९.५२.६३ समयका साथ स्वर्ण हात पार्न सफल भए । भिम बहादुर गुरुङ्गले रजत र कपिल भट्टले कास्य पाए । महिला तर्फ सरस्वती खड्का राईले २६ः५६.६२ समयका साथ स्वर्ण हात पारिन् । दोश्रो स्थानमा निलम श्रेष्ठ रहिन् । पहिलो दोश्रो र तेश्रोले १० हजार, ६ हजार र ४ हजार पाए ।
ह्विल चेयर तर्फको प्रतिस्पर्धामा कृष्ण राज चौधरी १५ः५६.४५ समयका साथ पहिलो भए । दोश्रो स्थानमा रविन्द्र खत्री र तेश्रो स्थानमा राजेश सिल्पकार रहे । महिला तर्फ यामी झाक्री मगरले बाजी मारिन् । उनले १४ ः ४७.६६ समयमा दुरी पुरा गरिन् । लक्ष्मी घिमिरेले रजत र हिरा तामाङ्गले कास्य पाईन् ।
बिजयी खेलाडीहरुले ५, ३ र २ हजार नगद सहित मेडल र प्रमाण पत्र प्राप्त गरे ।
