काठमाडौं । अखिल नेपाल फुटबल संघ एन्फामा झण्डै साढे ३ करोड रुपैयाँ बेरुजु देखिएको छ । विभिन्न समयमा जिल्ला फुटबल संघ र व्यक्तिले लिएको रकम फर्छ्योट नगर्दा ठुलो रकमको बेरुजु देखिएको हो ।
पछिल्लो आर्थिक बर्षको रिपोर्ट अनुसार एन्फाभित्र भएको अनियमित खर्चको रकम झण्डै ३ करोड पुगेको छ ।
पेश्की रकमको काम सकिएको ३५ दिन भित्र खर्च विवरण बुझाउनुपर्ने भएपनि अधिकांश संघ आवद्ध व्यक्तीले रकम फर्छ्योट गरेका छैनन् । जसमा जिल्ला फुटबल संघका पदाधिकारी र एन्फाभित्रका प्रभावशाली ब्यक्तिले एक लाख भन्दा ठुलो रकम लिएका छन् ।
आर्थिक सुशासन र पारदर्शीताको नारा सहित एन्फा नेतृत्वमा आएको नयाँ कार्य समितिले पेश्की रकम अशुलीमा मौनता देखाउदै आएको थियो । एन्फा प्रवक्ता किरण राईले बेरुजु फर्छ्योट गर्नुपर्ने सुचि तयार भएको जानकारी दिदै त्यसलाई चाँडै प्रक्रियामा लैजाने बताउछन् ।
‘बेरुजु फर्छ्योट गर्नुपर्ने व्यक्ति र संघको सुचि तयार भएको छ । के कारणले फर्छ्योट भएन भन्ने बिषयमा पत्राचार गर्दैछौ । चाँडौ प्रक्रियामा लैजान्छौ ।’ उनले खेलपाटीसंग भने ।
विभिन्न प्रायोजनकालागि संघबाट पेश्की लिनेमा धेरै जिल्ला फुटबल संघ र फुटबलमा प्रभावशाली अनुहारहरु रहेका छन् । फुटलब संघले बंगलादेशी फुटबल संघ र मंगोलियाको गेन बोल्ड वाईनोभिकलाई समेत पेश्की रकम दिएको देखिएको छ ।
‘त्यो रकम निकै अगाडीदेखि हो । कानुन अनुसार विदेशी कम्पनी र संस्थालाई पेश्की दिन मिल्दैन । कानुनी प्रक्रिया अनुसार अघि बढाएर आवश्यक कारबाही प्रक्रिया अघि बढाउछौ ।’ प्रवक्ता राईले भने ।
एन्फा स्रोतका अनुसार फर्छ्योट हुन बाँकी करिब ४ करोड रुपैयाँमा एएफसीबाट २ लाख १० हजार, फिफाबाट १ करोड ८४ लाख र एन्फाबाट लिईएको करिब २ करोड १७ लाख रुपैयाँ रहेको छ ।
प्रवक्ता राईले संघको धेरै अगाडीदेखि पेश्की फर्छ्योट बाँकी रहेको बताउदै त्यसको नियमन गर्न वर्तमान कार्यसमिति गम्भिर रहेको बताए । ‘समयमै पेश्किको रकम विवरण बुझाउनु हरेकको कर्तव्य र दायित्व हो । धेरै अगाडीदेखिको पेश्की फर्छ्योट हुन बाँकी छ । नियमले मिल्ने जति फर्छ्योट गर्ने र नियमले नमिल्नेलाई कारबाही अगाडी बढाउने हो ।’ उनले भने ।
फिफाको खाताबाट पेश्की लिनेको विवरण :
सर्लाही जिल्ला फुटबल संघ : १ लाख रुपैयाँ ।
सर्लाही जिल्ला फुटबल संघका अध्यक्ष देबेन्द्रमान सिंह बस्नेत : ४८ हजार रुपैयाँ ।
रुपन्देही जिल्ला फुटबल संघ : १ लाख ७५ हजार रुपैयाँ ।
भोजपुर जिल्ला फुटबल संघ : २ लाख रुपैयाँ ।
रौतहट जिल्ला फुटबल संघ : १ लाख ५५ हजार रुपैयाँ ।
दिवाकर घले : ६ लाख रुपैयाँ ।
कन्चनपुर जिल्ला फुटबल संघ : ४ लाख रुपैयाँ ।
बर्दिया जिल्ला फुटबल संघ : ३ लाख रुपैयाँ ।
पर्सा जिल्ला फुटबल संघ : ३ लाख रुपैयाँ ।
सुनसरी जिल्ला फुटबल संघ : १ लाख ७५ हजार रुपैयाँ ।
कन्चनपुर जिल्ला फुटबल संघ : १३ लाख २० हजार रुपैयाँ ।
एन्फाको खाताबाट पेश्की बुझेकाको विवरण :
अजर मानन्धर : १ लाख ३ हजार रुपैयाँ ।
सुनसरी फुटबल संघ : ३ लाख ५० हजार रुपैयाँ ।
लोकबहादुर शाही : १४ लाख ४६ हजार ३ सय ७ रुपैयाँ ।
आर बी ग्रुप : ३ लाख ३२ हजार ९ सय ८९ रुपैयाँ ।
बाँके जिल्ला फुटबल संघ : ३ लाख ९४ हजार रुपैयाँ ।
ललित कृण्ण श्रेष्ठ : १६ लाख ८५ हजार ९ सय ८० रुपैयाँ ।
गेन बोल्ड वाइनोभिक मंगोलिया : १ लाख २३ हजार ७ सय ५० रुपैयाँ ।
बंगलादेशी फुटबल संघ : १५ लाख रुपैयाँ ।
सुदुरपश्चिमाञ्चल फुटबल संघ : १ लाख ५५ हजार रुपैयाँ ।
बानेश्वर ब्याङकेट : २ लाख रुपैयाँ ।
झापा फुटबल संघ : २ लाख ९० हजार रुपैयाँ ।
रौतहट जिल्ला फुटबल संघ : १ लाख ७० हजार रुपैयाँ ।
एन्फा टेक्निकल सेन्टर धरान : १० लाख रुपैयाँ ।
