काठमाडौं । नेपालमा सम्पन्न १३ औं दक्षिण एशियाली खेलकुदमा पदक विजेता नागर्जुन नगरपालिकाका ६ पदकधारी खेलाडी र प्रशिक्षक सम्मानित भएका छन् ।
सागमा स्वर्ण पदकधारी तेक्वान्दो खेलाडी सन्जीला तिमल्सिना र जुडोकी देविका खड्का जनही २५ हजारबाट सम्मानित भए ।
जुडो कै रजत पदकधारी इन्द्र बहादुर श्रेष्ठ र मनिता श्रेष्ठ प्रधानले जनही १५ हजार, तेक्वान्दोका अस्मिता खड्का र अश्मिन राउतले जनही १० हजार तथा तेक्वान्दो प्रशिक्षक नोर्बु लामा ५५ हजार नगदसहित सम्मानित भए ।
प्रशिक्षक लामा विगत २५ वर्षदेखि नागर्जुन ९ स्थित स्यूचाटार तेक्वान्दो डोजाङको प्रमुख प्रशिक्षक रहेका छन् । लामा सागमा तेक्वान्दोको टिम प्रशिक्षक रहेका थिए ।
कार्यक्रममा नार्गजुन नगपालिकाका मेयर मोहनबहादुर बस्नेतले खेलाडी तथा प्रशिक्षकलाई सम्मानित गरे ।
