फेडेरर विम्बल्डनबाट बाहिर

एजेन्सी । स्विस खेलाडी रोजर फेडेरर विम्बल्डन टेनिसको क्वाटरफाइनलबाट बाहिरिएका छन् ।

लण्डनमा बुधबार राति पोल्याण्डका हुबर्ट हुकाजसँग पराजित हुँदै फेडेरर प्रतियोगिताबाट बाहिरिएका हुन् ।

छैटौं वरीयताका फेडेररमाथि हुबर्टले ६-३,७-६(७-४) र ६-० को सेटमा जित निकाले ।

२४ वर्षीय हुबर्ट पहिलो पटक ग्राण्डस्लाम टेनिसको सेमिफाइनलमा पुगेका हुन् ।

हुबर्टसँगको हारसँगै फेडेररको नवौं पटक विम्बल्डन जित्ने सपना सकिएको छ ।  

३९ वर्षीय फेडेरर आठ पटकको विम्बल्डन च्याम्पियन हुन् ।

२० पटकको ग्राण्डस्लाम विजेता फेडेररले पछिल्लो पटक २०१७ मा उपाधि जितेका थिए ।