एजेन्सी । साविक विजेता नोभाक जोकोभिच विम्बल्डन टेनिसको सेमिफाइनलमा प्रवेश गरेका छन् ।
लण्डनमा बुधबार हंगेरीका मार्टोन फुक्सोभिसलाई पराजित गर्दै जोकोभिच अन्तिम चारमा पुगेका हुन् ।
विश्व नम्बर एक समेत रहेका सर्बियन जोकोभिचले मार्टोनलाई ६-३,६-४ र ६-४ को सेटमा पराजित गरे ।
१९ पटकको ग्राण्डस्लाम विजेता जोकोभिचले विम्बल्डन जित्दै २० ग्राण्डस्लाम आफ्नो बनाउने योजनामा रहेका छन् ।
जोकोभिचले पछिल्लो पटक २०१९ मा विम्बल्डनको उपाधि जितेका थिए ।
पाँच पटक च्याम्पियन जोकोभिचले अब डेनिस शापोभालोभसँग खेल्ने छन् ।
