एजेन्सी । स्विस खेलाडी रोजर फेडेरर विम्बल्डन टेनिसको चौंथो चरणमा प्रवेश गरेका छन् ।
लण्डनमा शनिबार राति इंग्ल्यान्डका क्यामरुन नोरीलाई पराजित गर्दै फेडेररले अन्तिम १६ स्थान बनाएका हुन् ।
छैटौं वरीयताका फेडेररले नोरीमाथि ६-४,६-४,५-७ र ६-४ को सेटमा जित निकाले ।
आठ पटकको च्याम्पियन फेडेररले अब इटालीका लोरेन्जो सोनेगोसँग खेल्ने छन् ।
२० पटकको ग्राण्डस्लाम विजेता ३९ वर्षीय फेडेररले पछिल्लो पटक २०१७ मा उपाधि जितेका थिए ।
चौंथो वरीयताका जर्मनीका एलेक्स्जेन्डर ज्वेरभले पनि चौंथो चरणमा स्थान बनाएका छन् ।
महिलातर्फ एन्जलिक केर्बेर र कोको गाउफले चौंथो चरणमा स्थान बनाएकी छिन् ।
