एजेन्सी । साविक विजेता नोभाक जोकोभिच विम्बल्डन टेनिसको चौंथो चरणमा प्रवेश गरेका छन् ।
लण्डनमा शुक्रबार राति अमेरिकाका डेनिस कुड्लालाई पराजित गर्दै जोकोभिचले चौंथो चरणमा स्थान बनाएका हुन् ।
विश्व नम्बर एक समेत रहेका सर्बियन जोकोभिचले डेनिसलाई ६-४,६-३ र ७-६ (९-७) को सेटमा पराजित गरे ।
पाँच पटक च्याम्पियन जोकोभिचले अब चिलीका क्रिस्टियन गारिनसँग खेल्ने छन् ।
१९ पटकको ग्राण्डस्लाम विजेता जोकोभिचले पछिल्लो पटक २०१९ मा विम्बल्डनको उपाधि जितेका थिए ।
बेलायतका एन्डी मर्रे र डान इभान्स भने तेस्रो चरणबाट बाहिरिएका छन् ।
दुई पटकको च्यापियन मर्रेलाई डेनिस शापोभालोभले ६-४,६-२ र ६-२ ले पराजित गरे ।
इभान्सलाई सेबास्टियन कोर्डाले ६-३,३-६,६-३ र ६-४ ले पराजित गरे ।
