वेम्बलीमा ६० हजार दर्शकलाई अनुमति

एजेन्सी । युरोकप फुटबलको सेमिफाइनल र फाइनल खेल हेर्नका लागि ६० हजार दर्शकले स्टेडियममा प्रवेश पाउने भएका छन् ।

युके सरकारले सेमिफाइनल र फाइनलमा ६० हजार दर्शकलाई अनुमति दिने निर्णय गरेको हो ।

युरोकपको सेमिफाइनल र फाइनल खेल वेम्बली स्टेडियममा हुनेछ ।

युके सरकारले वेम्बलीको क्षमताको ७५ प्रतिशत समर्थकलाई अनुमति दिने निर्णय गरेको हो ।

'यो एकदम राम्रो समाचार हो । धेरै समर्थक वेम्बली स्टेडियममा बसेर तीन खेल हेर्न पाउने छन्,' अध्यक्ष अलेक्जान्डर कफेरिनले भनेका छन् ।

युरोकपको समूह चरणको खेलहरु आजबाट सकिदैछ ।