पहिलो हाफमा रुसलाई अग्रता  

एजेन्सी । १६ औं संस्करणको युरोकप फुटबलमा अहिले फिनल्याण्ड र रुसबीच प्रतिस्पर्धा भईरहेको छ ।

सेन्ट पिटर्सवर्ग स्टेडियममा जारी खेलको पहिलो हाफ सकिदा रुसले फिनल्याण्डविरुद्ध १-० गोलको अग्रता बनाएको छ ।

पहिलो हाफको इन्जुरी समयमा एलेक्से मिरानचुकले गोल गर्दै रुसलाई सुरुवाती अग्रता दिलाएका हुन् ।

त्यसअघि खेलको चौंथो मिनेटमा फिनल्याण्डका जोएल पोहजनपालोले गोल गरेका थिए । तर, भीएआरमा जोएल अफसाइड देखिएपछि उनको गोलले मान्यता पाएन ।

समूह 'बी’ मा रहेको  फिनल्याण्ड लगातार दोस्रो जित निकाल्ने योजनामा रहेको छ ।  पहिलो खेलमा फिनल्याण्डले डेनमार्कलाई १–० ले हराएको थियो । ३ अंक जोडेको फिनल्याण्ड समूहको दोस्रो स्थानमा रहेको छ ।

रुस भने पहिलो जित निकाल्ने योजनामा रहेको छ । पहिलो खेलमा रुस बेल्जियमसँग ३–० गोल अन्तरले पराजित भएको थियो ।