एरिक्सन मैदानमै अचेत, डेनमार्क र फिनल्याण्डबीचको खेल रोकियो

एजेन्सी । १६ औं संस्करणको युरोकप फुटबल अन्तर्गत डेनमार्क र फिनल्याण्डबीच खेल रोकिएको छ ।

युईएफएले चिकित्सा आपतकालको कारण जारी खेल रोकिएको जनाएको छ ।

डेनमार्कको कोपनहेगनमा जारी खेल दौरान डेनमार्कका क्रिस्टियन एरिक्सन अचेत भएर मैदानमा लडेपछि खेल रोकिएको हो ।

खेलको ४३ औं मिनेटमा एरिक्सन बेहोस भएर मैदानमा ढल्न पुगेका थिए ।

उनलाई मैदानमै सीपीआर दिईएको थियो । उनलाई हृदयघात भएको अनुमान गरिएको छ ।

युईएफएले उनको अवस्था स्थिर रहेको र उनलाई अस्पताल लगिएको जनाएको छ ।

खेल गोलरहित बराबरीको अवस्थामा रहेको थियो ।