कोपा अमेरिका आयोजनाको लागि अनुमति

एजेन्सी । ब्राजिलको सर्वोच्च अदालतले कोपा अमेरिका आयोजनाको लागि अनुमति दिएको छ ।

कोपा अमेरिका रोक्नका लागि परेको रिटको सुनुवाई गर्दै सर्वोच्च अदालतले प्रतियोगिता आयोजना गर्न सकिने फैसला गरेको हो ।

तर, अदालतले कोरोना प्रोटोकलको पालना अनिवार्य गर्नु पर्ने जनाएको छ ।

कोपा अमेरिका रोक्न मागसहित अदालतमा तीन मुद्दा दर्ता भएको थियो ।

अर्जेन्टिना र कोलम्बियामा संयुक्त आयोजना हुने तय भएको कोपा अमेरिका कोरोनाकै कारण ब्राजिलमा सारिएको थियो ।

तर, ब्राजिलियन खेलाडी नै कोपाको विरोधमा देखिएका थिए । कोरोना महामारीको समय स्वास्थ्यलाई प्राथमिकता दिनु पर्ने उनीहरुको माग रहेको छ ।

प्रतियोगिता जुन १३ देखि जुलाई १० सम्म हुने तालिका रहेको छ ।

उद्घाटन खेलमा ब्राजिल र भेनेजुएलाबीच प्रतिस्पर्धा हुने तय छ ।