चिली र बोलिभियाको बराबरी

एजेन्सी । फिफा विश्वकप छनोट अन्तर्गत दक्षिण अमेरिकी छनोटमा चिली र बोलिभियाले बराबरी खेल्दै अंक बाडेका छन् ।

बुधबार भएको खेलमा चिलीले बोलिभियासँग १-१ गोलको बराबरी खेलेको हो ।

प्रतिस्पर्धात्मक बनेको खेलको पहिलो हाफ गोलरहित बराबरीमा सकिएको थियो ।

खेलको ६९ औं मिनेटमा इरिक पुल्गरले गोल गर्दै चिलीलाई अग्रता दिलाएका थिए ।

तर, खेलको ८२ औं मिनेटमा मार्सेलो मोरेनोले पेनाल्टीमा गोल गर्दै बोलिभियालाई हारबाट जोगाए ।

यस बराबरीसँगै चिलीले छनोटमा ६ खेलमा ६ अंक जोडेको छ ।

चिली अंक तालिकाको सातौं स्थानमा रहेको छ ।

बोलिभिया ५ अंक जोडेर आठौं स्थानमा रहेको छ ।