बार्टी फ्रेन्च ओपनबाट बाहिर

एजेन्सी । विश्व नम्बर एक अस्लेइग बार्टी फ्रेन्च ओपन टेनिसबाट बाहिरिएकी छिन् ।

अष्ट्रेलियाकी बार्टी दोस्रो चरणबाट बाहिरिएकी हुन् ।

पेरिसमा बिहीबार पोल्याण्डकी माग्दा लिनेटविरुद्धको खेल त्यागेपछि बार्टी बाहिरिएकी हुन् ।

चोटको कारण बार्टीले खेल छाडेकी हुन् । खेल छाड्नु अघि बार्टीले पहिलो सेट ६-१ ले गुमाएकी थिइन् भने दोस्रो सेट २-२ को स्थितिमा रहेको छ ।

पहिलो खेलमा समेत चोटका उनले संघर्षपूर्ण जित निकालेको थिइन् ।

बार्टीबाट वाकओभर पाएकी लिनेटले अब जाबेउरसँग खेल्ने छिन् ।