नाडाल र बार्टी दोस्रो चरणमा

एजेन्सी । स्पेनिस राफायल नाडाल फ्रेन्च ओपन टेनिसको दोस्रो चरणमा प्रवेश गरेका छन् ।

पेरिसमा मंगलबार भएको खेलमा अष्ट्रेलियाका एलेक्सी पोपरिनलाई हराएर नाडालले दोस्रो चरणको यात्रा तय गरेका हुन् ।

विश्व नम्बर तीन समेत रहेका नाडालले विना वरीयताका एलेक्सीलाई ६-३,६-२ र ७-६(७-३) ले पराजित गरे ।

१३ पटकको च्याम्पियन नाडालले अब फ्रान्सका रिचार्ड गास्क्वेटसँग खेल्नेछन् ।

महिलातर्फ विश्व नम्बर एक अस्लेइग बार्टीले दोस्रो चरणमा स्थान बनाएकी छिन् ।

बार्टीले अमेरिकी खेलाडी बेर्नार्डा पेरालाई पराजित गरिन् ।

खेलको दौरान चोट बोकेकी बार्टीले पेरालाई ६-४, ३-६ र ६-२ ले पराजित गरिन् ।