कोपा अमेरिका ब्राजिलमा हुने

एजेन्सी । कोपा अमेरिका फुटबल ब्राजिलमा आयोजना हुने भएको छ ।

दक्षिण अमेरिकी फुटबलको सर्वोच्च निकाय (कन्मेबोल) ले सोमबार कोपा अमेरिका ब्राजिलमा आयोजना हुने जनाएको छ ।

ब्राजिल साविक विजेता समेत हो  ।

यस अघि कोपा अमेरिका अर्जेन्टिनामा आयोजना हुने तय थियो ।

तर, कोरोना भाईरसको महामारीको कारण अर्जेन्टिनाबाट प्रतियोगिता सारिएको हो ।

कोरोनाको दोस्रो लहरसँगै अर्जेन्टिनामा फुटबल गतिविधि एक महिनाबाट स्थगित गरिएको छ ।

प्रतियोगिता जुन १३ देखि जुलाई १० सम्म हुने तालिका रहेको छ ।

सन् २०२० मै आयोजना हुनुपर्ने कोपा अमेरिका फुटबल कोरोना भाईरसको महामारीकै कारण एक वर्ष पछि सरेको हो ।

सुरुवातमा कोपा अमेरिका अर्जेन्टिना र कोलम्बियामा संयुक्त आयोजना हुने तय थियो ।

तर, सरकारविरुद्धको चर्किएको आन्दोलनको कारण कोलम्बियालाई सह आयोजकबाट हटाईएको थियो ।