अग्युरो बार्सिलोनामा

एजेन्सी । स्पेनिस क्लब बार्सिलोनाले अर्जेन्टिनाका स्ट्राइकर सर्जियो अग्युरोलाई अनुबन्धित गरेको छ ।

बार्सिलोनाले सोमबार अग्युरोलाई अनुबन्धित गरिएको जनाएको छ ।

म्यानचेस्टर सिटीका पूर्व स्ट्राइकर अग्युरोले सिजनको अन्त्यसँगै इंग्लिस क्लब छाडेका थिए ।

३२ वर्षीय अग्युरोलाई बार्सिलोनाले फ्री ट्रान्सफरमा अनुबन्ध गरेको हो ।

अग्युरोको आइतबार बार्सिलोनामा मेडिकल जाचँ गरिएको थियो ।

अग्युरोले बार्सिलोनासँग दुई वर्षे सम्झौता गरेका छन् । उनी २०२३ सम्म बार्सिलोनामा रहने छन् ।

बार्सिलोनाले उनको रिलिज क्लउज १०० मिलियन युरो राखेको छ ।

'एफसी बार्सिलोना र सर्जियो अग्युरोबीच सहमति बनेको छ । खेलाडीले २०२२/२३ को सिजनको अन्त्यसम्म सम्झौता गरेका छन्,' क्लबले भनेको छ ।

सिटीका १० वर्ष बिताएर अग्युरो स्पेन आएका हुन् ।

अग्युरोले सिटीका लागि ३ सय ९० खेलमा २ सय ६० गोल गरेका छन् ।

अग्युरो सिटीका सर्वाधिक गोलकर्ता खेलाडी हुन् ।

अग्युरोले सिटीका लागि मुख्य १५ उपाधि जितेका थिए  ।