डोमिनिक पहिलो चरणमै पराजित

एजेन्सी । अष्ट्रियन खेलाडी डोमिनिक थिएम फ्रेन्च ओपन टेनिसको पहिलो चरणबाटै बाहिरिएका छन् ।

पेरिसमा आइतबार राति भएको खेलमा स्पेनका पाब्लो एन्दुजरसँग पराजित हुँदै थिएम बाहिरिएका हुन् ।

चौंथो वरीयताका थिएमले सुरुवाती दुई सेट ६-४ र ७-५ ले जितेका थिए । तर, त्यसपछिका सेट ६-३,६-४ र ६-४ ले गुमाउने पुगे ।

युएस ओपन विजेता तथा दुई पटकको उपविजेता थिएमविरुद्ध वरीयता विहीन पाब्लोले उत्कृष्ट प्रदर्शन गरेका थिए ।

ग्रीसका पाँचौं वरीयता प्राप्त स्टेफानोस टित्सीपासले भने दोस्रो चरणको यात्रा तय गरेका छन् ।

यस्तै छैटौं वरीयता प्राप्त जर्मनीका एलेक्स्जेन्डर ज्वेरभले पनि दोस्रो चरणमा स्थान बनाएका छन् ।