एजेन्सी । जापानी खेलाडी नाओमी ओसाकाले फ्रेन्च ओपन टेनिसमा विजयी सुरुवात गरेकी छिन् ।
पेरिसमा आइतबार भएको खेलमा जित निकाल्दै ओसाकाले दोस्रो चरणमा स्थान बनाएकी छिन् ।
दोस्रो वरीयता प्राप्त ओसाकाले रोमानियाकी प्याट्रिसिया मारिया टिगलाई पराजित गर्दै सुखद सुरुवात गरेकी हुन् ।
ओसाकाले बिना वरीयताकी प्याट्रिसियालाई ६-४ र ७-६ (७-४) ले पराजित गरिन् ।
पूर्व विश्व नम्बर एन्जेलिक क्रेबेर भने पहिलो खेलमै पराजित भएकी छिन् ।
जर्मनीकी तीन पटकको ग्राण्डस्लाम विजेता क्रेबेर क्वालिफायरबाट आएकी एन्हेलिना कालिनिनासँग ६-२ र ६-४ ले पराजित भईन् ।
