नाडाल क्वाटरफाइनलमा

एजेन्सी । स्पेनिस खेलाडी राफायल नाडाल इटालियन ओपन टेनिसको क्वाटरफाइनलमा प्रवेश गरेका छन् ।

बिहीबार राति भएको खेलमा क्यानडाका डेनिस सापोभालोभलाई पराजित गर्दै नाडाल क्वाटरफाइनलमा पुगेका हुन् ।

दोस्रो वरीयताका नाडालले १३ औं वरीयताका डेनिसलाई ३-६, ६-४ र ७-६ (७-३) ले पराजित गरे ।

पुरुषतर्फ नै शीर्ष वरियताका नोभाक जोकोभिच पनि क्वाटरफाइनलमा पुगेका छन् ।

सर्बियन जोकोभिचले स्पेनका फोकिनलाई ६-१ र ६-१ को सेटमा पराजित गरे ।

महिलातर्फ शीर्ष वरीयताकी एश्लेइघ बार्टीले क्वाटरफाइनलमा स्थान बनाएकी छिन् ।