पहिलो हाफमा काठमाडौंलाई २-१ को अग्रता

काठमाडौं । पहिलो संस्करणको फ्रेन्चाईज फुटबल प्रतियोगिता नेपाल सुपर लिग (एनएसएल) अन्तर्गत लिग चरणको अन्तिम खेलमा अहिले काठमाडौं रेजर्स र एफसी चितवनबीच प्रतिस्पर्धा भईरहेको छ ।

त्रिपुरेश्वरस्थित दशरथ रंगशालामा जारी खेलको पहिलो हाफ सकिएको छ । पहिलो हाफको खेल सकिदा चितवनविरुद्ध काठमाडौंले २-१ को अग्रता बनाएको छ ।

खेलको १७ औं मिनेटमा मेसौके ओलोमोउले गोल गर्दै काठमाडौंलाई सुरुवाती अग्रता दिलाए ।

३३ औं मिनेटमा संजोक राईले गोल गर्दै काठमाडौंलाई २-० को अग्रता दिलाए ।

तर, खेलको ४० औं मिनेटमा राजिब लोप्चनले गोल गर्दै चितवनलाई २-१ को स्थितिमा ल्याएका छन् ।

काठमाडौं प्ले अफ्मा पुगिसकेको टिम हो । चितवन बाहिरिसकेको छ ।

त्यसैले यस खेल प्रतिष्ठाको लडाईको रुपमा रहेको छ ।

तर, काठमाडौं आज जित निकाल्दै शीर्ष स्थानमा रहेर प्ले अफ खेल्न चाहन्छ ।

काठमाडौं ५ खेलमा १० अंक जोडेर तालिकाको दोस्रो स्थानमा रहेको छ ।

चितवनसँग जित वा बराबरी खेलेको अवस्थामा काठमाडौं शीर्ष स्थानमा रहनेछ ।

चितवन भने ५ खेलमा २ अंक जोडेर पुछारमा रहेको छ ।

चितवन अन्तिम खेल जित्दै प्रतियोगिताको सुखद अन्त्य गर्न चाहन्छ ।