लिड्ससँग टोटेनहमको हार

एजेन्सी । इंग्लिस प्रिमियर लिग फुटबलमा लिड्स युनाईटेडले टोटेनहमलाई पराजित गरेको छ ।

शनिबार भएको खेलमा लिड्सले टोटेनहमलाई ३-१ गोल अन्तरले पराजित गरेको हो ।

घरेलु मैदानमा १३ औं मिनेटमा स्टुवार्ड डालसले गोल गर्दै लिड्सलाई अग्रता दिलाएका थिए ।

तर, खेलको २५ औं मिनेटमा ह्युङ मिन सनले गोल गर्दै टोटेनहमलाई १-१ गोलको बराबरीमा फर्काए ।

खेलको ४२ औं मिनेटमा प्याट्रिक बामफोर्डले गोल गर्दै लिड्सलाई २-१ को अग्रता दिलाए ।

त्यसपछि खेलको ८४ औं मिनेटमा रोड्रीगोले गोल गर्दै लिड्सलाई ३-१ को जित दिलाए ।

जितसँगै लिड्सले ३५ खेलमा ५० अंक जोडेको छ । लिड्स लिगको नवौं स्थानमा रहेको छ ।

टोटेनहम ५६ अंक जोडेर छैटौं स्थानमा रहेको छ ।