घरेलु मैदानमा लेष्टरको हार
एजेन्सी । इंग्लिस प्रिमियर लिग फुटबलमा लेष्टर सिटी पराजित भएको छ ।
शुक्रबार राति भएको खेलमा लेष्टर न्युकासल युनाईटेडसँग ४-२ गोल अन्तरले पराजित भएको हो ।
लेष्टर घरेलु मैदानमै न्युकासलसँग पराजित भएको हो ।
न्युकासललाई जित दिलाउन कलुम विल्सनले दुई गोल गरे । जोसेप विललक र पाउल दुमेटको नाममा एक एक गोल रह्यो ।
लेष्टरका मार्क अल्ब्राइटन र केलिची इहिनाचोले एक एक गोल फर्काए ।
खेलको २२ औं मिनेटमा जोसेपको गोलबाट न्युकासलले अग्रता बनाएको थियो ।
३२ औं मिनेटमा पाउलले गोल गर्दा न्युकासल पहिलो हाफमा २-० ले अघि रह्यो ।
खेलको ६४ औं मिनेटमा विल्सनले गोल गर्दै टिमको अग्रता तेब्बर बनाए ।
७३ औं मिनेटमा विल्सनले व्यक्तिगत दोस्रो गोल गर्दा न्युकासल ४-० ले अघि रह्यो ।
८० औं मिनेटमा लेष्टरका अल्ब्राइटनले गोल गर्दै खेल ४-१ को स्थितिमा ल्याए ।
त्यसपछि खेलको ८७ औं मिनेटमा केलिचीले एक गोल थपेपछि लेष्टर ४-२ ले पराजित भयो ।
न्युकासलसँग पराजित भएपनि लेष्टर लिगको तेस्रो स्थानमा यथावत रहेको छ ।
लेष्टरले ३५ खेलमा ६३ अंक जोडेको छ ।
यस जितपछि न्युकासल लिगको १३ औं स्थानमा उक्लिएको छ ।
न्युकासलले ३५ खेलमा ३९ अंक जोडेको छ ।
न्युकासललाई रेलिगेसन हुनबाट जोगिन अब एक अंकको आवश्यकता रहेको छ ।
