काठमाडौं । घरेलु फुटबलमा हिमालयन शेर्पा ईतिहास धेरै लामो छैन । 'ए' डिभिजन लिगमा हिमालयनले सन् २००६ बाट पाईला राखेको हो ।
तर घरेलु फुटबलमा हिमालयन शेर्पाको प्रयोग बेजोडको छ । राम्रा विदेशी खेलाडीलाई घरेलु लिग फुटबलमा भित्राउने श्रेय समेत हिमालय शेर्पालाई जान्छ । भलै उसले घरेलु फुटबलमा कहिल्यै उपाधिमा दाबेदारिता प्रस्तुत गर्न सकेन ।
सहभागिताको पहिलो बर्षमै उसले लिग फुटबलमा दोस्रो स्थान हात पारेको थियो । त्यसपछि क्लबले कहिल्यै त्यो सफलतालाई भेट्याउन सकेन ।
तर बदलिदो परिवेशसंगै हिमालयन शेर्पा लिगको दाबेदारको रुपमा अगाडी आउने लक्ष्य बनाएको छ । लिग फुटबललाई लक्षित गरेर उसले छुट्याएको बजेट त्यसैको संकेत गर्छ ।
हिमालय शेर्पाले यस बर्ष लिगकालागि करिब २ करोडको बजेट खर्च गर्ने तयारी गरेको छ । त्यही आधारमा करिब ४ बर्षपछि हुन लागेको लिगमा उपाधिमा चुनौती दिने उसको योजना छ ।
‘एक पटक दोस्रो भएको क्लवको अवको लक्ष्य पहिलोनै हुने हो ।’ क्लबका कार्यवहाक अध्यक्ष गोम्बु शेर्पा भन्छन् । राष्ट्रिय टिमबाट खेलेका अनुभवी खेलाडी र तीन विदेशी खेलाडीको भरमा लिगमा उत्कृष्ट प्रर्दशन गर्ने हिमालय शेर्पाको तयारी छ ।
मोफसलमा उत्कृष्ट प्रर्दशन गरेको केही खेलाडी, विदेशी र राष्ट्रिय टिमका खेलाडीलाई समावेश गर्दै हिमालयन शेर्पाले टिम तयार गरेको छ ।
एक समयका स्टार स्ट्राईकर अमर डंगोल र गोल मेसिन कर्ण लिम्बुलाई लिग फुटबलमा हिमालयन शेर्पाको जर्सीमा देख्न पाईनेछ ।
हिमालयन शेर्पाको खेलाडी सुचि :
मानबहादुर तामाङ
सञ्जु श्रेष्ठ
बिजय श्रेष्ठ
रञ्जे रे चौधरी
त्रिदेव गुरुङ
किशोर गिरी
लक्ष्मण जीसी
सञ्जय धिमाल
विश्वास श्रेष्ठ
दिवस उराउ
विवेक पौडेल
रवि थापा मगर
राजकुमार पौडेल
अमर डंगोल
क्षितिज खड्का
निरज बस्नेत
छिरिङ तामाङ लामा
आशिख थापा मगर
कर्ण लिम्बु
