इन्टरलाई सिरी 'ए' को उपाधि

एजेन्सी । इन्टर मिलानले इटालियन सिरी 'ए' फुटबलको उपाधि जितेको छ ।

आइतबार दोस्रो स्थानको एट्लान्टा बराबरीमा रोकिएपछि इन्टरले उपाधि जितेको हो ।

१० खेलाडीमा समेटिएको एट्लान्टाले सासोउलोसँग १-१ गोलको बराबरी खेलेको हो ।

एट्लान्टाका रोबिन गोसेन्सले गोल गरेका थिए । तर, सासोउलोका डोमिनिको बेरार्डीले बराबरी गोल फर्काएका थिए ।

गोल्लिनीले सुरुवातमै रातो कार्ड पाएको खेलमा एट्लान्टाका लुइस मुरिएल पेनाल्टी गोल गर्न असफल भएका थिए ।

एट्लान्टाको बराबरीसँगै इन्टरले १३ अंकको स्पस्ट अग्रता बनाउदै उपाधि जितेको हो ।

इन्टरले ११ वर्षपछि सिरी 'ए' को उपाधि जितेको हो ।

सिरी 'ए' मा युभेन्ट्सको एकतर्फी राज तोड्दै इन्टर यस पटक च्याम्पियन बनेको हो ।

इन्टरले पछिलो पटक सन् २०१० मा सिरी 'ए' को उपाधि जितेको थियो ।