जोकोभिचले मड्रिड ओपन नखेल्ने

एजेन्सी । सर्बियन स्टार नोभाक जोकोभिचले मड्रिड ओपन टेनिस नखेल्ने भएका छन् ।

विश्व नम्बर एक समेत रहेका जोकोभिचले आफु मड्रिड ओपनमा सहभागिता नजनाउने बताएका छन् ।

'मलाई माफ गर्नुहोला म यस वर्ष मड्रिडको भ्रमण गर्न सक्दिन र मेरा प्रशंसकहरूसँग भेट गर्न सक्दिन,' उनले भनेका छन्, 'दुई वर्ष भईसक्यो । अर्को वर्ष तपाईलाई भेट्ने आशा गर्छु ।'

मड्रिड ओपन अप्रिल ३० बाट सुरु हुँदैछ ।

जोकोभिचले ३ पटक मड्रिड ओपन जितेका छन् ।

जोकोभिचले गत फेब्रुअरीमा अष्ट्रेलियन ओपन जित्दै १८ औं ग्राण्डस्लाम आफ्नो नाममा लेखाएका थिए ।

जोकोभिचले फ्रेन्च ओपनको तयारीका लागि यस प्रतियोगिया नखेलेको अनुमान गरिएको छ ।

फ्रेन्च ओपन २४ मे देखि १३ जुनसम्म आयोजना हुनेछ ।

क्ले कोर्टमा खेलिने फ्रेन्च ओपनको मुख्य प्रतिस्पर्धा भने मे ३० बाट सुरु हुनेछ ।