काठमाडौं । एसिया-ओसियन ओलम्पिक छनोट प्रतियोगिता खेल्ने नेपाली फेन्सिङ टोलीको विदाई गरिएको छ ।
नेपाल ओलम्पिक कमिटिका महासचिब निलेन्द्र राज श्रेष्ठले उज्वेकिस्तान जाने नेपाली टोलीको विदाई गरेका हुन् ।
छनोटमा नेपालकी अनिता कार्कीले खेल्ने छिन् । उनी महिला ईपीमा प्रतिस्पर्धा गर्ने छिन् ।
टिमको प्रशिक्षकमा जंग गिरी रहेका छन् ।
प्रतियोगिता अप्रिल २४ देखि २६ सम्म आयोजना हुनेछ ।
विदाई कार्यक्रममा ओलम्पिक कमिटिका उपाध्यक्ष चतुरानन्द राज बैद्य, सुनिल श्रेष्ठ, फेन्सिङ संघका उपाध्यक्ष हेल्गा राना राइमाझी, संघका महासचिव सुजन लाल श्रेष्ठको सहभागिता रहेको थियो ।
