काठमाडौं । गणेशमान सिंह स्मृति फिडे रेटिङ बुद्धिचाल प्रतियोगिता आगामी चैतमा आयोजना हुने भएको छ ।
आयोजक ललितपुर स्पोर्ट्स क्लब र ताम्रकार समाजले बिहीबार पत्रकार सम्मेलन गर्दै प्रतियोगिता चैत २० देखि २६ गतेसम्म आयोजना हुने जनाएको छ ।
ललितपुरको जावलाखेलस्थित ताम्रकार समाज भवनमा आयोजना हुने प्रतियोगिता नकआउटको आधारमा खेलाईनेछ ।
प्रतियोगिताको विजेताले यामाहा सलुटो मोटरसाइकल प्राप्त गर्ने छन् । उपविजेताले ६० हजार, तेस्रोले ३० र चौंथोले २५ हजार पाउने छन् ।
सातौं चरणको स्विस लिगबाट सेमिफाइनलमा चार खेलाडी प्रवेश गर्ने छन् । बाँकी खेलाडीले स्विस लिग अनुसार नवौं चरणसम्म खेल्नु पर्नेछ ।
लिगको विजेताले २५ हजार, उपविजेताले १५ र तेस्रोले १० हजार पाउने छन् । चौंथो देल्ही १५ सम्मले पुरस्कार पाउने छन् ।
प्रतियोगितामा नेपालका उच्च रेटेड खेलाडी रुपेश जैशवाल, पूर्व च्याम्पियनहरु बद्रीलाल नेपाली, नविन तण्डुकार, सुरबीर लामा, पुन्यमान कर्माचार्य लगायत १ सय ५० खेलाडीको सहभागिता रहने छन् ।
उपत्यका बाहिरका खेलाडीलाई पुरस्कारको व्यवस्था गरिएको छ ।
