नेपाल आईपुग्यो बंगलादेशी टिम

काठमाडौं । त्रिदेशीय अन्तराष्ट्रिय फुटबल प्रतियोगिताका लागि बंगलादेशको टिम नेपाल आईपुगेका छन् ।

बंगलादेशको ४० सदस्सीय टिम बिहीबार नेपाल आईपुगेको हो । बंगलादेशको टिम सोल्टी होटलमा बस्नेछ ।

बंगलादेशी टिमलाई एन्फाका सदस्य शिक्षित पराजुली, रुपेश अधिकारी लगायतले स्वागत गरेका थिए ।

दशरथ रंगशालामा आयोजना हुने त्रिदेशीय फुटबलमा नेपाल, बंगलादेश र किर्गिस्तानले प्रतिस्पर्धा गर्ने छन् ।

नेपालले पहिलो खेलमा किर्गिस्तानसँग खेल्नेछ ।

नेपाल र किर्गिस्तानबीचको खेल चैत १२ गते हुनेछ । किर्गिस्तानको यू-२३ टिम हुनेछ ।

प्रतियोगिताको उद्घाटन खेलमा किर्गिस्तान र बंगलादेश खेल्ने छन् । उद्घाटन खेल चैत १० हुनेछ ।

यस्तै दोस्रो खेलमा नेपालले बंगलादेशसँग खेल्नेछ । नेपाल र बंगलादेशबीचको खेल चैत १४ गते हुनेछ ।

राउण्ड रोबिनको आधारमा हुने लिगको शीर्ष दुई टिमले फाइनलमा प्रतिस्पर्धा गर्ने छन् ।

फाइनल खेल चैत १६ गते हुनेछ ।

प्रतियोगितामा कुल ४ खेल हुनेछ ।