काठमाडौं । एपीएफका दिपेश धामी र नेपाल पुलिसका बिष्णु कटुवाल राजधानीमा जारी प्रथम खुल्ला साईनो मेयर कप ब्याडमिन्टन प्रतियोगिताको पुरुष एकलको अन्तिम आठमा प्रवेश गरेका छन् ।
शुक्रबार भएको खेलमा दिपेशले सेनाका सन्तोष पनेरुलाई २१-१४, २१-१२ को सहज जित निकाल्दै क्वाटरफाइनलमा पुगेका हुन् ।
प्रतियोगिताका दोस्रो वरीयता पाएका बिष्णुले सेनाका डेभिड थापामाथि २३-२५, २१-१९, २१-१७ को जित निकाल्दै अन्तिम आठमा पुगे ।
यसैगरि पुरुष एकलमा अन्तिम आठमा स्थान बनाउनेमा सेनाका पविन लिनथेप, पुलिसका जीवन आचार्य, सेनाका रुकेश महर्जन, भुपु सैनिकका सहरोज अन्सारी, सिल्क ग्रुपका प्रिन्स दाहाल, सेनाका भोजबहादुर गुरुङ रहेका छन् ।
पविनले कैलालीका देवराज रानालाई २१-१६, १५-२१, २२-२० ले पराजित गरे । जीवनले सेनका गोकुल जोरालाई २१-१७, २१-१०, रुकेशले भुपु सैनिकका सुरज गुप्तालाई २१-१४, २१-१७, सहरोजले पुलिसका पूर्ण बहादुर थापालाई २१-१७, १८-२१, २१-१६, प्रिन्सले सेनाका आयुष्मान नागरीलाई २१-१६, २१-७ र भोजबहादुरले सुर्खेतका नरेन्द्र बमलाई २१-१४, २३-२१ ले पराजित गर्दै अन्तिम आठमा पुगेका हुन् ।
तारकेश्वर नगरपालिका १ साङ्गलास्थित साईनो स्पोर्टस् हलको आयोजना तथा तारकेश्वर नगरपालिकाको प्रायोजनमा भएको प्रतियोगिताको महिला एकलतर्फ धादिङ्गकी तारा आले र सेनाकी प्राथना देउवाले क्वाटरफाइनलमा स्थान बनाए ।
ताराले सेनाकी डेमोना के.सी. २१-१०, २१-७ तथा प्राथनाले बुटवलकी प्रतिष्ठा अर्यालमाथि २१-६, २१-७ को सहज जित निकाल्दै अन्तिम आठमा स्थान पक्का गरे ।
पुरुष युगल सी लेबलको प्रतिस्पर्धामा धादिङ्गका बिपेन घले र राम मल्ल ठकुरीको जोडी र गण्डकी ब्याडमिन्टन क्लबका सरद खड्का रमेश ठकुरीको जोडीले सेमिफाइनल प्रवेशका लागि प्रतिस्पर्धा गर्ने भएका छन् ।
क्वाटरफाइनल प्रवेश गर्ने अन्यमा टोखाका क्षितीज खनाल र अमन महर्जनको जोडी, सिडीबिएका किरण बिष्ट र राजकुमार गुरुङ्गको जोडी, किर्तिपुरका द्रिपेश बज्राचार्य र निखिल भट्टको जोडी, भुपुका जीवन खत्री र प्रकाश कुँवरको जोडी, गोकर्णेश्वरका लोक बहादुर लामा र गणेश श्रेष्ठको जोडी, टोखाका बुद्ध डङ्गोल र शोक राज डङ्गोलको जोडी रहेका छन् ।
यस्तै पुरुष ४५ बर्ष माथिको युगल तर्फ जेष्ट ब्याडमिन्टनका श्याम पराजुली र नविन बाबु श्रेष्ठको जोडी क्वाटरफाईनल प्रवेश गर्यो । गोकर्णेश्वरका बुद्धिबहादुर घिसिङ्ग र डि. बहादुर तामाङ्गको जोडीले पनि क्वाटरफाइनलमा स्थान बनाउन सफल भयो ।
क्वाटरफाइनल प्रवेश गर्नेमा युनिक स्पोर्टस्का एम. बज्राचार्य र अनिल कुमार लाखेको जोडी, पिएफसीका पूर्ण हरि होना र संजय कपालीको जोडी, बुटवलका बिरेन्द्र सिंह बिष्ट र मान बहादुर रानाको जोडी, जेष्टका राजाबाबु महर्जन र रुद्र थिङ्गको जोडी, ललितपुरका सुमन महर्जन र सुनिल मान शाक्यको जोडी तथा चन्द्रागढीका हरि खत्री र भरत श्रेष्ठको जोडी पनि रहेका छन् ।
