एजेन्सी । श्रीलंकाका भेट्रान ब्याट्सम्यान एन्जेलो म्याथ्युज वेस्ट इन्डिजको भ्रमण नसकिदै घर फर्किएका छन् ।
घरायसी कारण देखाउँदै म्याथ्युज श्रीलंका फर्किएका हुन् ।
श्रीलंका क्रिकेटले म्याथ्युज घर फर्किएको पुष्टि गरेको छ ।
श्रीलंकाका पूर्व कप्तान समेत रहेका म्याथ्युजले वेस्ट इन्डिजविरुद्धको टी-ट्वान्टी सिरिजमा कप्तानी गरेका थिए ।
कप्तान डासुन शनकाको अनुपस्थितिमा उनले कप्तानी गरेका थिए । जुन सिरिज श्रीलंकाले २-१ ले गुमाएको थियो ।
वेस्ट इन्डिज भ्रमणमा रहेको श्रीलंकाले अहिले घरेलु टिमसँग एकदिवसीय सिरिज खेलिरहेको छ ।
पहिलो एकदिवसीयमा वेस्ट इन्डिजले श्रीलंकालाई ८ विकेटले हराएको थियो ।
