श्री भगवतीसँग खुमलटार स्तब्ध

काठमाडौं । सहिद स्मारक 'बी' डिभिजन लिग फुटबलमा खुमलटार युथ क्लब पराजित भएको छ ।

शनिबार भएको खेलमा खुमलटार श्री भगवती क्लबसँग २-१ गोल अन्तरले पराजित भएको हो ।

एन्फा कम्प्लेक्स सातदोबाटोमा सुरुवाती अग्रता जोगाउन नसक्दा खुमलटार पराजित भएको हो ।

खेलको २६ औं मिनेटमा सबिन केसीले गोल गर्दै खुमलटारलाई अग्रता दिलाएका थिए ।

तर, खेलको ४१ औं मिनेटमा डोना थापाले गोल गर्दै श्री भगवतीलाई १-१ गोलको बराबरीमा ल्याए ।

त्यसपछि खेलको ८४ औं आशिष श्रेष्ठले गोल गर्दै श्री भगवतीलाई २-१ को जित दिलाए ।

जितसँगै श्री भगवतीले १० खेलमा १२ अंक जोडेको छ ।

लिगको दोस्रो स्थानको खुमलटारले १० खेलमा २२ अंक जोडेको छ ।

यस हारसँगै खुमलटारले शीर्ष स्थानको सातदोबाटोसँग अंक बराबरी गर्ने मौका गुमाएको छ ।