मेस्सीलाई 'प्लेयर अफ दि मन्थ' अवार्ड

एजेन्सी । बार्सिलोनाका कप्तान लियोनल मेस्सी स्पेनिस ला लिगामा फेब्रुअरी महिनाको उत्कृष्ट खेलाडी बनेका छन् ।

ला लिगाले शुक्रबार मेस्सीलाई 'प्लेयर अफ दि मन्थ' अवार्ड प्रदान गरेको छ ।

मेस्सीले फेब्रुअरी महिनाको उत्कृष्ट खेलाडी बन्दै 'प्लेयर अफ दि मन्थ' अवार्ड जितेका हुन् ।

३३ वर्षीय मेस्सीले फेब्रुअरीमा ५ खेलमा ७ गोल गरेका थिए ।

मेस्सी ला लिगामा सर्वाधिक गोलकर्ताको शीर्ष स्थानमा रहेका छन् ।

उनले १९ गोल गरिसकेका छन् ।

ला लिगामा बार्सिलोना दोस्रो स्थानमा रहेको छ ।

बार्सिलोनाले २५ खेलमा ५३ अंक जोडेको छ ।

शीर्ष स्थानको एट्लेटिको मड्रिडको ५८ अंक रहेको छ ।