काठमाडौं । नेपाल तेक्वान्दो महासंघले अन्तर्राष्ट्रिय तेक्वान्दो महासंघ (आईटीएफ) बाट सदस्यता प्राप्त गरेको छ ।
आईटीएफको फेब्रुअरी २१ मा बसेको कार्यसमितिको बैठकले नेपाल तेक्वान्दो महासंघलाई सदस्यता प्रदान गरेको हो ।
महासंघका महासचिव सुदिप चन्द्र बख्रेलले अध्यक्ष दिनेश शर्मालाई आईटीएफले इमेल गर्दै आधिकारीक पत्र पठाएको जानकारी गराए ।
आईटीएफको सदस्यता पाएसँगै महासंघको जिम्मेवारी बढेको समेत महासचिव बख्रेलले बताए ।
महासंघले विश्वका विभिन्न तेक्वान्दो संस्थासँग सम्बन्धन लिएर नेपालमा तेक्वान्दोको विकास र विस्तारमा काम गरिरहेको छ ।
महासंघले विश्व सङमोक्वान संघ(अमेरीका), तेक्वान्दो अन्तर्राष्ट्रिय(बेलायत), अन्तर्राष्ट्रिय तेक्वान्दो महासंघ युनियन(आयरल्यान्ड), अन्तर्राष्ट्रिय परम्परागत तेक्वान्दो महासंघ(स्पेन) र विश्व तेक्वान्दो परिषद(जर्मनी) संग सहकार्य गरीरहेको छ ।
महासंघमा नेपाल परम्परागत तेक्वान्दो महासंघ, इन्टरनेशनल चाङहोन तेक्वान्दो महासंघ नेपाल, आइटिएफ नेपाल, नेपाल सङमोक्वान संघ र साङरोक नेपाल तेक्वान्दो एकेडेमी लगायतका तेक्वान्दो संघहरु आबद्ध छन् ।
आईटीएफले महासंघलाई सदस्यता दिएसंगै यसले आइटिएफ तेक्वान्दोलाई देशब्यापी रुपमा विकास र विस्तारका निम्ती स्थानीय सरकार, प्रदेश सरकार र संघिय सरकारसँग सहकार्य गर्ने अध्यक्ष शर्माले बताए ।
आईटीएफलाई आगामी २ वर्ष भित्रमा दक्षिण एसियाको हब बनाउने योजना अगाडी सार्ने अध्यक्ष शर्माले बताए ।
