एजेन्सी । पूर्व विश्व नम्बर एक सेरेना विलियम्स अष्ट्रेलियन ओपन टेनिसको क्वाटरफाइनलमा प्रवेश गरेकी छिन् ।
मेलबर्नमा आइतबार भएको चौंथो चरणको खेलमा बेलारुसकी आर्यना सेबालेन्कालाई पराजित गर्दै सेरेनाले क्वाटरफाइनलमा स्थान बनाएकी हुन् ।
दशौँ वरीयता प्राप्त अमेरिकी खेलाडी सेरेनाले सेबालेन्कामाथि ६-४,२-६ र ६-४ को सेटमा जित निकालिन ।
सेरेनाको यो ग्राण्डस्लाम प्रतियोगितामा करियरको ५४ औं क्वाटरफाइनल यात्रा हो ।
३९ वर्षीय सेरेनाले ७ पटक अष्ट्रेलियन ओपन जितेकी छिन् ।
यस्तै तेस्रो वरीयताकी नाओमी ओसाका पनि क्वाटरफाइनलमा पुगेकी छिन् ।
जापानी खेलाडी ओसाकाले स्पेनकी गार्बिन मुगुरुजालाई पराजित गरिन् ।
ओसाकाले १४ औं वरियताकी गार्बिनमाथि ४-६,६-४ र ७-५ को जित निकालिन ।
पुरुषतर्फ तेस्रो वरीयताका डोमिनिक थिम चौंथो चरणबाट बाहिरिएका छन् ।
चौंथो चरणमा थिम बुल्गेरियाका ग्रिगोर दिमित्रोभसँग ६-४,६-४ र ६-० ले पराजित भए ।
