सेरेना अष्ट्रेलियन ओपनको चौंथो चरणमा

एजेन्सी । पूर्व विश्व नम्बर एक सेरेना विलियम्स अष्ट्रेलियन ओपन टेनिसको चौंथो चरणमा प्रवेश गरेकी छिन् ।

मेलबर्नमा शुक्रबार भएको खेलमा रुसी खेलाडी अनास्टासिया पोटापोभालाई पराजित गर्दै सेरेनाले चौंथो चरणमा स्थान बनाएकी हुन् ।

दशौँ वरीयता प्राप्त अमेरिकी खेलाडी सेरेनाले पोटापोभामाथि ७-६ (७-५) र ६-२ को सेटमा जित निकालिन ।

यससँगै सेरेनाले अष्ट्रेलियन ओपनमा आफ्नो ९० औं जित दर्ता गरेकी छिन् ।

३९ वर्षीय सेरेनाले ७ पटक अष्ट्रेलियन ओपन जितेकी छिन् ।

अब सेरेनाले चौंथो चरणमा आर्यना सेबालेन्कासँग खेल्ने छिन् ।

यस्तै स्पेनकी गार्बिन मुगुरुजाले पनि चौंथो चरणमा स्थान बनाएकी छिन् ।

१४ औं वरियताकी गार्बिनलेकाजकिस्तानकी जरिना डियासलाई ६-१ र ६-१ को सेटमा पराजित गरिन् ।