एजेन्सी । पूर्व विश्व नम्बर एक सेरेना विलियम्स र ओसाका नाओमीले अष्ट्रेलियन ओपन टेनिसमा विजयी सुरुवात गरेका छन् ।
मेलबर्नमा सोमबार भएको पहिलो चरणको खेलमा अमेरिकी खेलाडी सेरेनाले जर्मनकी लौरा सिजमण्डलाई पराजित गरिन् ।
दशौँ वरीयता प्राप्त सेरेनाले लौरामाथि ६-१ र ६-१ को सेटमा जित निकालिन ।
यस्तै जापानी खेलाडी ओसाकाले रुसकी अनास्टासिया पाभेलुचेन्कोभालाई हराईन् ।
विश्व वरीयताको तेस्रो नम्बरमा रहेकी ओसाकाले अनास्टासियाविरुद्ध ६-१ र ६-२ को सेटमा जित हात पारिन् ।
यस्तै सेरेनाको दिदि भेनस विलियम्सले पनि जित निकालेकी छिन् ।
भेनसले बेल्जियमकी क्रिस्टिनमाथि ७-५ र ६-२ को सेटमा जित निकालिन ।
जर्मनीकी एन्जलिक केर्बेर भने पहिलो चरणबाट बाहिरिएकी छिन् ।
केर्बरलाई अमेरिकी खेलाडी बेर्नार्दा पेराले ६-० र ६-४ को सेटमा हराए ।
