पहिलो हाफमा विराटनगर र चन्द्रपुरको बराबरी

काठमाडौं । राष्ट्रिय महिला लिग फुटबलमा अहिले विराटनगर महानगरपालिका र चन्द्रपुर नगरपालिकाबीच प्रतिस्पर्धा भईरहेको छ ।

सातदोबाटोस्थित एन्फा कम्प्लेक्समा जारी खेलको पहिलो हाफ सकिदा दुबै टोलीले गोलरहित बराबरी खेलेका छन् ।

दुबै टोलीले पाएको केहि मौकालाई सदुपयोग गर्न नसक्दा पहिलो हाफ गोलरहित बराबरीमा सकिएको हो ।

आज दुबै टिम जित निकाल्ने लक्ष्यसहित मैदान उत्रिएका छन् ।

विराटनगर चन्द्रपुरलाई हराएर तेस्रो स्थानमा कायम रहन चाहन्छ ।

विराटनगर ६ खेलमा १० अंक जोडेर तेस्रो स्थानमा रहेको छ ।

चन्द्रपुर भने विराटनगरलाई हराएर अंक तालिका सुधार गर्न चाहन्छ ।

चन्द्रपुर ६ खेलमा ३ अंक जोडेर छैटौं स्थानमा रहेको छ ।