डर्टमण्ड पराजित, लाइपजिग विजयी

एजेन्सी । जर्मन बुन्डेसलिगा फुटबलमा उपाधि दाबेदार मानिएको बोरुसिया डर्टमण्ड पराजित भएको छ ।

शनिबार राति भएको खेलमा डर्टमण्ड फ्रेईवर्गसँग २-१ गोल अन्तरले पराजित भएको हो ।

घरेलु मैदानमा फ्रेईवर्गलाई जित दिलाउन यु यङ जेङ र जोनाथन स्मिडले एक एक गोल गरे ।

डर्टमण्डका युसुफा मुकोकोले एक गोल फर्काए ।

यो हारसंगै डर्टमण्डले लिगको शीर्ष पाँच भित्र उक्लने मौका गुमाएको छ ।

डर्टमण्ड ३२ अंक जोडेर छैटौं स्थानमा रहेको छ ।

फ्रेईवर्ग ३० अंक जोडेर आठौं स्थानमा रहेको छ ।

अर्को खेलमा आरबी लाइपजिगले साल्केलाई ३-० ले हराएको छ ।

लाइपजिगको जितमा नोर्डी मुकिली, मार्सल सबिट्जर र विलि ओर्बानले एक एक गोल गरे ।

जितसंगै लाइपजिगले २० खेलमा ४१ अंक जोडेको छ ।

लाइपजिग लिगको दोस्रो स्थानमा रहेको छ ।

साल्के ८ अंक जोडेर पुछारमा रहेको छ ।