काठमाडौं । अखिल नेपाल फुटबल संघ (एन्फा) ले फुटसल कमिटि र फुटसल लिगको प्रतीक चिन्ह (लोगो) बनाउन सार्वजनिक सूचना निकालिएको छ ।
खुल्ला प्रतिस्पर्धाबाट लोगो छनोट गर्न एन्फाले सोमबार सार्वजनिक सूचना निकालेको हो ।
एन्फाले लोगो डिजाइनको लागि फेब्रुअरी १५ सम्मको समय तोकेको छ ।
एन्फाले फेब्रुअरी १५ भित्र आएको मध्ये उत्कृष्ट एक लोगोलाई छनोट गर्नेछ । जुन लोगो एन्फाले आधिकारिक रुपमा प्रयोग गर्नेछन् ।
एन्फाले फुटसल कमिटिको लोगो बनाउनेलाई ३० हजार रुपैयाँ दिनेछ । यस्तै फुटसल लिगको लोगो बनाउनेले २५ हजार दिनेछ ।
एन्फाले लोगो डिजाइनको लागि मापदण्ड समेत तोकेको छ । लोगो जीवन्त,आकर्षक हुनुको साथै फुटसलको प्रतीक झल्कनु पर्नेछ ।
यस्तै लोगो अन्तराष्ट्रिय स्तरको हुनु पर्नेछ । लोगोमा कपीराइट लाग्ने कुराहरु प्रयोग गर्न पाइने छैन ।
त्यस्तै डिजाइन गरिसकेको लोगो उच्च क्वालिटीको हुनुका साथै वाटरमार्क राख्न पाइने छैन ।
-1732413260.jpg)
