काठमाडौं । बजाज पल्सर स्पोर्ट्स अवार्ड अन्तर्गत पिपल्स च्वाईस अवार्डको मनोनयनमा परेका कराँतेका मन्डेकाजी श्रेष्ठलाई जिताउन जिल्ला खेलकुद विकास समिति भक्तपुरले आर्थिक सहयोग संकलन गरेको छ ।
समितिका अध्यक्ष श्रीभक्त कासिछवाको संयोजकत्वमा मन्डेकाजीलाई जिताउन २ लाख रुपैयाँ आर्थिक संकलन गरेको हो । संकलन रकम आइतबार मन्डेकाजीलाई हस्तान्तरण गरिएको छ ।
आर्थिक रकम श्रीभक्त कासिछवा, किरण थापा, बिज्ञान राई, रोमन सिलाकार,पुर्ण लिम्बु, यादव राई, दिल्ली बराइली, वेभ ग्रुप, स्वनिग बचत तथा ऋण सहकारी सँस्था लि र कल्पबृक्ष बचत तथा ऋण सहकारी सँस्था लिमिटेडले सहयोग गरेका हुन् ।
मन्डेकाजी १३ औं दक्षिण एसियाली खेलकुद प्रतियोगिता (साग)का दोहोरो स्वर्ण विजेता खेलाडी हुन् ।
कराँतेबाट कीर्तिमान सफलता हात पारेका मन्देकाजीको लोकप्रियता र चर्चालाई आधार बनाएर आयोजक नेपाल खेलकुद पत्रकार मञ्च (एनएसजेएफ)ले उनलाई पिपल्स च्वाईस विधामा मनोनयन गरेको छ ।
मन्डेकाजीसंगै पिपल्स च्वाईस विधामा पौडीकी गौरिका सिंह, भलिबलकी अरुणा शाही, फुटबलकी सावित्रा भण्डारी र बास्केटबलकी सदीना श्रेष्ठ परेका छन् ।
मनोनयनमा परेका खेलाडीले ई–सेवाको एपबाट प्राप्त गरेको भोट, फेसबुक तथा राष्ट्रिय खेलका प्रशिक्षक र खेल पत्रकारको भोटका आधारमा अवार्ड प्राप्त गर्नेछन् ।
यस वर्षको अवार्ड कार्यक्रम पुष २८ गते आयोजना हुदैछ ।
-1736646447.jpg)
-1736609631.jpeg)
