एजेन्सी । विश्व नम्बर एक स्पेनिस राफायल नाडाल पेरिस मास्टर्स टेनिसको सेमिफाइनलबाट बाहिरिएका छन् ।
फ्रान्सको पेरिसमा शनिबार राति भएको सेमिफाइनलमा जर्मनीका एलेक्सजेन्डर जेभरेभसँग पराजित हुँदै नाडाल बाहिरिएका हुन् ।
चौंथो वरीयताका जेभरेभले नाडालमाथि ६-४ र ७-५ को सेटमा पराजित गरे ।
हालै हालै १ हजार जितको कोशेढुंगा पुरा गरेका नाडालले जेभरेभविरुद्ध भने कुनै जादु देखाउन सकेनन् ।
अब जेभरेभले उपाधिका लागि रुसी खेलाडी डानिल मेदभेदेबसँग खेल्ने छन् ।
तेस्रो वरीयताका डानिलले सेमिफाइनलमा क्यानडाका मिलोस रावनिकलाई पराजित गरे ।
उनले मिलोस माथि ६-४ र ७-६ (७-४) को सेटमा जित निकाले ।
