एजेन्सी । साविक विजेता राफायल नाडाल फ्रेन्च ओपन टेनिसको तेस्रो चरणमा प्रवेश गरेका छन् ।
फ्रान्सको पेरिसमा बुधबार राति भएको खेलमा अमेरिकी खेलाडी म्याकेन्जी म्याकडोनाल्डलाई पराजित गर्दै नाडालले तेस्रो चरणको यात्रा तय गरेका हुन् ।
१२ पटकको च्याम्पियन नाडालले म्याकडोनाल्डमाथि ६-१,६-० र ६-३ को सोझो सेटमा पराजित गरे ।
म्याकडोनाल्डविरुद्ध जित निकाल्न क्ले कोर्टका बादसाह मानिने ३४ वर्षीय नाडाललाई कुनै कठिनाई परेन ।
युएस ओपन च्याम्पियन डोमिनिक थिएमले पनि तेस्रो चरणमा स्थान पक्का गरेका छन् ।
डोमिनिकले ज्याक सोकलाई ६-१,६-३ र ७-६(८-६) को सेटमा पराजित गरे ।
यस्तै अर्जेन्टिनाका डिएगो स्वार्टम्यानले समेत तेस्रो चरणमा स्थान बनाएका छन् ।
