एजेन्सी । अमेरिकी खेलाडी सेरेना विलियम्स फ्रेन्च ओपन टेनिसको दोस्रो चरणमा प्रवेश गरेकी छिन् ।
फ्रान्सको पेरिसमा सोमबार भएको पहिलो खेलमा आफ्नै देशकी क्रिस्टी अह्नलाई पराजित गर्दै सेरेनाले दोस्रो चरणको यात्रा तय गरेकी हुन् ।
तीन पटकको च्याम्पियन सेरेनाले क्रिस्टीलाई ७-६ (७-२) र ६-० ले पराजित गरिन् ।
३९ वर्षीय सेरेनाले क्ले कोर्टमा खेलिने फ्रेन्च ओपन २००२, २०१३ र २०१५ मा जितेकी थिइन् ।
छैटौं वरीयताकी सेरेनाले दोस्रो चरणमा बुल्गेरियाकी पिरोनकोभासँग खेल्ने छिन् ।
यस्तै पेट्रा केभिटोभा र एलिना स्विटोलिनाले समेत दोस्री चरणमा स्थान बनाएकी छिन् ।
पुरुषतर्फ युएस ओपन च्याम्पियन डोमिनिक थिएमले दोस्रो चरणमा स्थान पक्का गरेका छन् ।
डोमिनिकले मारिन सिलिकलाई ६-४,६-३ र ६-३ को सेटमा पराजित गरे ।
